முப்பெரும் விழா!!!

நிகழ்ச்சி நிரல் :

நாள் : 25-05-2025

நேரம் : 10.00 AM

VGLUG பற்றிய காணொளி:

முப்பெரும் விழாவின் முதற்கட்டமாக, VGLUG கடந்த ஆண்டுகளில் கடந்து வந்த பாதை, ஆற்றிய சமூகப் பணிகள், மற்றும் அடைந்த சாதனைகளை ஒரு சேரப் பதிவு செய்திருந்த எங்களின் ஆவணப்படக் காணொளியை அரங்கில் திரையிட்டோம். எங்கள் குழுவின் வளர்ச்சி மற்றும் சமூகத்திற்கு ஆற்றிய பங்களிப்பை அழகாக எடுத்துரைத்த இந்த காணொளி, புதியவர்களுக்கு VGLUG-ன் நோக்கங்களை எளிதாகப் புரியவைத்தது.

சிறப்பு விருந்தினர் அழைப்பு:

முப்பெரும் விழாவிற்கு மேலும் மெருகூட்ட, பல்வேறு துறைகளில் சாதனை புரிந்த ஆளுமைகளைச் சிறப்பு விருந்தினர்களாக அழைத்திருந்தோம். அவர்களின் வருகையும், ஆழமான கருத்துக்களும் விழாவை மேலும் சிறப்பித்தன.

சிறப்பு விருந்தினர்கள் :

• தோழர்.டி. ரவீந்திரன் (President, Tamilnadu Vivasaigal Sangam)
• திரு.K. C பிரவீன் குமார் (saama technologies )
• Dr. சி. புவனேஸ்வரி (Assistant Professor & Head Department of Computer Science)
• திரு. பி. விஜயகுமார், (Zilogic Systems)

VGLUG பற்றிய அறிமுக உரை:

விழாவின் ஆரம்பத்தில், VGLUG-ன் செயல்பாடுகள், நோக்கங்கள் மற்றும் சமூகத்திற்கான பங்களிப்புகள் குறித்து ஓர் தெளிவான அறிமுக உரை வழங்கப்பட்டது.

அனுபவப் பகிர்வு: மாணவர்களின் கருத்துக்கள்!

விழாவின் ஒரு நெகிழ்ச்சியான பகுதி, VGLUG-உடன் ஒரு வருட காலம் பயணித்த மாணவர்களின் கருத்துக்கள் மற்றும் அனுபவப் பகிர்வுகள் நடந்தது.கடந்த ஒரு வருடமாக VGLUG அவர்களுக்கு எவ்வாறு உதவியது, என்னென்ன புதிய விஷயங்களைக் கற்றுக்கொண்டார்கள், மற்றும் அவர்களின் திறன்கள் எவ்வாறு மேம்பட்டன என்பதை அவர்கள் வெளிப்படையாகப் பகிர்ந்து கொண்டனர்.

இந்த நேரடி அனுபவப் பகிர்வு, VGLUG-ன் நோக்கங்களை உணர்த்தும் விதமாக அமைந்தது. அவர்களின் பேச்சுக்கள், புதிய மாணவர்களுக்கும், பெற்றோர்களுக்கும் VGLUG மீதான நம்பிக்கையை மேலும் உறுதிப்படுத்தியது.

சிறப்பு விருந்தினர்களுக்கு நினைவுப் பரிசு வழங்கப்பட்டது :

விழாவை சிறப்பிக்க வந்திருந்த மதிப்புமிகு சிறப்பு விருந்தினர்களுக்கு VGLUG-ன் சார்பாக நினைவுப் பரிசுகள் வழங்கப்பட்டன.

திரு. கே. சி. பிரவீன் குமார் உரை:

Saama Technologies நிறுவனத்தைச் சேர்ந்த திரு. கே. சி. பிரவீன் குமார் அவர்கள், தொழில்நுட்ப உலகில் அவரது ஆழமான அனுபவங்களையும், தற்போதைய டிஜிட்டல் போக்குகள் குறித்தும் அவர் விரிவாகப் பேசினார். மேலும் VGLUG -ன் அடுத்தடுத்த முயற்சிகளுக்கும், வளர்ச்சிக்கும் அவரின் பங்களிப்பை தொடர்ந்து அளிப்பதாக ஆதரவு தெரிவித்தார்.

முனைவர். சி. புவனேஸ்வரி உரை:

கல்விப்புலம் மற்றும் தொழில்நுட்பத் துறை இரண்டிலும் அவர் பெற்ற அனுபவங்களை ஒன்றிணைத்து, மாணவர்களுக்கு மிகவும் பயனுள்ள கருத்துக்களைப் பகிர்ந்து கொண்டார். இன்றைய காலகட்டத்தில் கல்வியின் முக்கியத்துவம், தொழில்நுட்ப அறிவின் அவசியம், மற்றும் பெண்கள் தொழில்நுட்பத் துறையில் சாதிக்க வேண்டியதன் தேவை குறித்து அவர் ஆழமாகப் பேசினார்.

சான்றிதழ் வழங்கல்: கடந்த ஆண்டு மாணவர்களுக்கு சான்றிதழ் வழங்கப்பட்டது:

விழாவின் மற்றொரு முக்கியமான பகுதி, VGLUG-ன் கடந்த ஆண்டுப் பயிற்சி வகுப்புகளில் பங்கேற்று, வெற்றிகரமாகப் பயிற்சி முடித்த மாணவர்களுக்கான சான்றிதழ் வழங்கப்பட்டது. இந்தச் சான்றிதழ்கள், அவர்கள் VGLUG-உடன் இணைந்து கற்றுக்கொண்ட திறன்களையும், பெற்ற அறிவையும் அங்கீகரிக்கும் விதமாக வழங்கப்பட்டன. சிறப்பு விருந்தினர்கள் கையால் சான்றிதழ்களைப் பெற்ற மாணவர்கள், ஒரு வருட உழைப்பிற்கான பலனைப் பெற்று, மிகுந்த மகிழ்ச்சியுடன் காணப்பட்டனர்.

Getmyebook” அறிமுகம்: கௌசல்யாவின் உரை:

முப்பெரும் விழாவின் ஒரு புதுமையான மற்றும் முக்கியமான தருணம், VGLUG-ன் கனவு திட்டமான “Getmyebook” அறிமுகம் செய்யப்பட்டது. இந்தத் திட்டத்தைப் பற்றி, குழுவின் நிர்வாக உறுப்பினரான கௌசல்யா சிறப்பான ஒரு உரை நிகழ்த்தினார்.

டிஜிட்டல் நூலகத்தின் தேவை, இலவச மற்றும் திறந்த மூலப் புத்தகங்களை எளிதாகப் பெறுவதன் முக்கியத்துவம், மற்றும் “Getmyebook” எவ்வாறு மாணவர்களுக்கும், கற்றல் ஆர்வலர்களுக்கும் ஒரு பயனுள்ள தளமாக அமையும் என்பது பற்றி அவர் தெளிவாக விளக்கினார்.

கோடைக்காலப் பயிற்சி முகாம்: குழந்தைகளுக்குச் சான்றிதழ் வழங்கப்பட்டது :

எங்கள் முப்பெரும் விழாவின் ஓர் அழகான மற்றும் மகிழ்ச்சியான பகுதி, கோடைக்காலப் பயிற்சி முகாமில் பங்கேற்ற குழந்தைகளுக்கான சான்றிதழ் வழங்கப்பட்டது.

முகாமில் கலந்துகொண்ட குழந்தைகளின் ஆர்வத்தையும், புதிய விஷயங்களைக் கற்றுக்கொள்ளும் உத்வேகத்தையும் பாராட்டும் விதமாக, சிறப்பு விருந்தினர்கள் கையால் சான்றிதழ்கள் வழங்கப்பட்டன.

திரு. பி. விஜயகுமார் உரை:

முப்பெரும் விழாவில், Zilogic Systems நிறுவனத்தைச் சேர்ந்த மதிப்புமிக்க திரு. பி. விஜயகுமார் அவர்கள், உட்பொதிந்த அமைப்புகள் (Embedded Systems) மற்றும் திறந்த மூல மென்பொருட்களின் (Open Source Software) பற்றி ஒரு அற்புதமான உரை நிகழ்த்தினார்.

தோழர். டி. ரவீந்திரன் அவர்களின் உரை: சமூகப் பொறுப்பும் விவசாயத்தின் முக்கியத்துவமும்

முப்பெரும் விழாவில், தமிழ்நாடு விவசாயிகள் சங்கத்தின் தலைவர், மதிப்புமிகு தோழர். டி. ரவீந்திரன் அவர்கள் ஆற்றிய உரை, விழாவிற்கு ஒரு புதிய பரிமாணத்தைச் சேர்த்தது. தொழில்நுட்பம் சார்ந்த நிகழ்வு என்றாலும், அவர் சமூகப் பொறுப்பு, விவசாயத்தின் முக்கியத்துவம், மற்றும் நாட்டின் வளர்ச்சிக்கு கிராமப்புறப் பொருளாதாரம் ஆற்றும் பங்களிப்பு குறித்து ஆழமாகப் பேசினார்.

பெண் கல்வியின் முக்கியத்துவத்தை அவர் அழுத்தமாக எடுத்துரைத்ததுடன், VGLUG அமைப்பின் பெரும்பாலான செயல்பாடுகளில் பெண்களின் எண்ணிக்கை அதிகமாக இருப்பதை மனதாரப் பாராட்டினார்.அவரது பேச்சு, பங்கேற்பாளர்களுக்கு ஒரு புதிய சிந்தனையைத் தூண்டி, சமூக அக்கறையை வளர்த்தது.

Well-wishers -கு நினைவுப் பரிசு:

முப்பெரும் விழாவிற்கு வருகை தந்து, தங்கள் ஆதரவையும் வாழ்த்துக்களையும் தெரிவித்த (Well-wishers), VGLUG-ன் சார்பாக அன்பின் வெளிப்பாடாக நினைவுப் பரிசுகள் வழங்கப்பட்டன.

நன்றியுரை:

விழாவின் நிறைவாக, VGLUG-ன் சார்பாக திலீப்(VGLUG ஒருங்கிணைப்பாளர்) அவர்கள் நன்றியுரை வழங்கினார். முப்பெரும் விழாவை மாபெரும் வெற்றி பெறச் செய்த சிறப்பு விருந்தினர்கள், பங்கேற்பாளர்கள், தன்னார்வலர்கள்,அனைவருக்கும் தனது நெஞ்சார்ந்த நன்றியை VGLUG சார்பாக தெரிவித்தார். அவரது நன்றியுரை, விழாவுக்குக் கிடைத்த பெரும் ஆதரவையும், கூட்டு உழைப்பையும் ஒருமுறை நினைவுகூர்ந்து, அடுத்தடுத்த நிகழ்வுகளுக்கு ஊக்கமளிப்பதாக அமைந்தது.

நிறைவு: குழுப் புகைப்படம்!

முப்பெரும் விழாவின் இனிய நினைவுகளைப் பதிவு செய்ய, இறுதியாக அனைவரும் இணைந்து ஒரு குழுப் புகைப்படம் எடுத்துக் கொண்டோம். சிறப்பு விருந்தினர்கள், VGLUG உறுப்பினர்கள், தன்னார்வலர்கள், மாணவர்கள் அனைவரும் பங்கேற்ற அழகிய தருணம்!!!